Bu dəfə 27 yaşlı fələstinli fenomen, İsrail kəşfiyyatını dağa-daşa salan “hacker Ömər”dən danışacağıq.

Onews.az xəbər verir ki, Ömər Qəzzada doğulur və buradakı İslam Universitetində təhsil alır.
Qəzzadakı İnformatika Mühəndisliyi ixtisasından məzun olur.
24 yaşı olarkən əlindəki kiçicik yaddaş kartı ilə Qəzza Daxili İşlər Nazirliyinə gəlir.

İsrailin “Dəmir qübbə” sistemini “kor edə biləcək” bir proqram yazdığını deyir.
Sonra tətbiqin necə işlədiyini Fələstin rəsmilərinə bildirir.
Nazirlik bu haqda dərhal HƏMAS-a məlumat verir.
HƏMAS-ın hərbi texnikləri dərhal Ömərin “hacker proqramı”nı sınaqdan keçirirlər.

Elə ilk sınaqdaca fələstinlilərin atdığı raketlər maneəsiz İsrail ərazilərini keçir.
Atışlardan cəmi 3 saniyə əvvəl Ömərin yazdığı proqram işə düşür.

Proqram İsrail Hava Hücumundan Müdafiə Sistemini “kor” edir.
HƏMAS-ın və “Əl Kassam Briqadaları”nın atdığı kustar raketlər rahatlıqla İsrail ərazisində “ünvanına çatır”...
Raketlər atıldıqdan 4-5 saniyə sonra “Dəmir Qübbə”nin yenidən “gözləri açılır...”.
Ömərin bu “hacker yazılımı” bütün dünyada adından söz etdirən “Dəmir Qübbə”nin nüfuzunu 2 qəpiklik edir.

İsrail kəşfiyyatı dərhal hərəkətə keçir
Amma 3 illik araşdırmalar nəticəsində Öməri ələ keçirmək mümkün olmur.

Bu sırada HƏMAS Ömərə yeni tapşırıq verir.
Fələstinli “hacker” bu dəfə xüsusi və gizli özəlliklərə sahib android köçürmə proqramını hazırlayır.
Bu proqram nəticəsində HƏMAS-ın kəşfiyyat sistemi MOSSAD əməkdaşlarının telefonlarına daxil ola bilirlər.
Üstəlik, İsrail casuslarının telefonlarındakı şəxsi məlumatları da ələ keçirilir.

Yəhudi casusları, “çöhreyi-pünhan” Ömərin başına 3 milyon dollar pul qoyurlar.
Fələstinli fenomen MOSSAD-ın hər yerdə onun izinə düşdüyünü anlayır.
O, dərhal ölkəsini tərk edir və ilk olaraq Misirə yollanır.

İsrail kəşfiyyatı ona burada da rahatlıq vermirlər.
Ömərə qarşı sui-qəsddən cəmi bir neçə dəqiqə öncə Türkiyə kəşfiyyatı hərəkətə keçir.


MİT-in qanadları altına sığınan Ömər İstanbula gəlir.
Bu dəfə MİT-in strategiyası ilə fələstinli gənc MOSSAD-a qarşı oyun qurur.
Sosial yazılımlar adı ilə Ömər yəhudilərin 25-30 min dollarına sahiblənir.

Əslində, MOSSAD bu yolla Öməri ələ almaq, onda özlərinə qarşı inam yaratmaq istəyirdilər.
Hətta İsrail kəşfiyyatçıları Fransadan, Brazilyadan, Danimardan “şirkət CEO-su” kimi ona sifarişlər verirlər.
Fələstinli fenomeni adıçəkilən ölkələrə dəvət edirlər.

Ona külli miqdarda maaş verəcəklərini söyləyirlər.
Yəhudi kəşfiyyatı bu yolla Öməri İstanbuldan Avropaya gətirmək istəyirmiş...
Onlar MİT çətirindən ayırdıqdan sonra fələstinli “heykr”ı yaxalayaraq “Dəmir Qübbə”ni “korlaşdıran” proqramın şifrələrini almağı düşünürdülər.
Amma fələstinli kiber hücumçu yəhudilərin 10-15 min dollarını aldıqdan sonra bütün təkliflərinə yenə “yox” deyir.
Malayziyaya dostunu ziyarətə gedərkən Ömər yəhudilərin hazırladığı tora düşür.


Bundan əvvəl türk kəşfiyyatı Öməri Malayziyaya getmək təklifindən döndərməyə çalışır.
Amma Ömərin israrı qarşısında türklər heç nə edə bilmirlər.

MİT mənsubları nə qədər israr etsə də, fələstinli gənc inadından dönmür.
Buna baxmayaraq, türk kəşfiyyatı Ömərin qoluna “acil durum saatı” bağlayır.
Əgər Ömər yaxalansa, siqnal vasitəsi ilə onun yerini müəyyənləşdirmək mümkün olacaqdı.

Sən demə, fələstinli fenomeni Malayziyada uşaqlıq dostu 3-4 min dollar qarşılığında yəhudi kəşfiyyatına satıbmış.
Nəticədə MOSSAD Öməri ələ keçirərək onu Malayziyada sorğulamağa və şifrələri almağa çalışır.
Qolundakı saatla türk kəşfiyyatına siqnal ötürən müsəlman “heykr”i yəhudi caynağından yenə türklər xilas edir.
“Helikopter əməliyyatı” nəticəsində 11 israil casusu Malayziyada qandallanır.

Onlar ömürlük azadlıqdan məhrum edilirlər.
Hazırda Ömərin Türkiyə Hava Hücumundan Müdafiə Sistemi üzərində çalışdığı bildirilir.

Tural Turan