Onews.az şair Tural Turanın "Ləpədöyəndə dəniz atı" şeirini təqdim edir:


***

Bu saat bir dəniz atıyam ləpədöyəndə,
kölgəm dinir, mən susuram,
susuram xamelyon səslərin məzarlığında.

Dalğaların laylası qulağıma dəyəndə,
susuram ömrümün su tərəfinə sarı...

Susuram,
dalğalar yaddaşsız ləpirlərə
boyun əyəndə...

Susuram, yarımçıq doğulmuş
taleyim ağırlığından...

Susuram
qarşımdakı yorğun mavi sipərlərə sarı...
Bu saat bir dəniz atıyam,
dənizlərin qan yaddaşına doğru
uşqunan dəniz atı...

Hələ sən
kölgəmin vəsiyyətinə bax ləpədöyəndə:
-Şair, tale amanatı...

2025, Bilgəh
Tural Turan