Ötən gecə Tehrandan Təbrizə uçan “İran Air” şirkətinin “Fokker 100” təyyarəsi Ərdəbil hava limanına təcili eniş edib.

Onews.az xəbər verir ki, bu barədə yerli media məlumat yayıb.

Məlumata görə, təyyarənin təcili eniş etməsinə texniki nasazlıq səbəb olub.

“Pilot eniş icazəsi verilənə qədər hava limanının ətrafında bir neçə dəfə dövrə vurmalı oldu. Eniş zamanı təyyarədə kəskin yanıq qoxusu yayıldı, bəzi oksigen maskaları işləmədi və bir neçə sərnişində nəfəs çatışmazlığı yarandı", - sərnişinlərindən biri sosial mediada yaydığı məlumatda bildirib.

Ərdəbil Tibb Elmləri Universitetindən verilən məlumata görə, hadisə nəticəsində xəsarət alan olmasa da, 4 sərnişində ürəkbulanma və baş ağrıları, 1 nəfərdə isə qulaq ağrıları olub. Onlara təcili tibbi yardım briqadası yerindəcə tibbi yardım göstərib.