Yanvarın 20-dən etibarən Amerika Birləşmiş Ştatların əsas kəlmə-kəlam sahibi məhz Donald Tramp olacaq. Trampın gəlişi ilə Çinlə münasibətlərə yenidən əl gəzdiriləcək.

Co Bayden dönəmində iqtisadi bazarda ipi buraxılmış Pekin indi Vaşinqton üçün əsl başağrısına çevrilib.

Çim iqtisadiyyatı hazırda Cənub-şərqi Asiyada əsas söz sahibidir. Əvvəlcə Hindistanı, ardınca da Birləşmiş Ştatları bu bazardan sıxışdırıb çıxardı.

Daha sonra "qıyıqgözlülər" Hind okeanına qarmaq atdılar və buradakı dəniz ticarətindəki qazanc paylarına 5-7 faizdən 17-18 faizə qaldırdılar.

Çin bütün bunların ardınca Qərbin iri və orta koorparasiyalarını "ucuz işçi qüvvəsi mərkəzi"nə yönəldərək "copyright" bazarını daha da genişləndirdi.

Üstəlik, Bayden dönəmində Çin Avrasiyanın avtomobil bazarının da şəriksiz liderinə çevrildi və ABŞ iqtisadiyyatının xammalçı tərəfdaşlarına böyük zərbə vurdu.

Ən əsası, sanksiyalar burulğanında çırpınan Rusiya və İran bazarlarını da məhz Çin "iqtisadi virusu" bürüməyə başladı.

Pekinin çoxqütblü iqtisadi gedişləri, bunun nəticəsində onlayn alış-veriş bazarındakı şaxələndirmələri ABŞ-ın yeni administrasiyasını dərhal hərəkətə keçməyə məcbur edəcək.

Donald Trampın Rusiya-Ukrayna savaşını qısa müddətdə bitirmək istəyi də məhz buradan qaynaqlanır.

İndi Tramp Çin qarşısında iki həmlə edə bilər: Rusiyanı savaşın caynağından almaqla Çinə qarşı yönəltmək, İranda rejim dəyişikliyi etməklə Pekinin Qərbə gedən yolunun qarşısını kəsmək...

Çox güman ki, bu həmlələrin ardınca Tramp Amerikası Çinə qarşı üçüncü iqtisadi cəbhəni Orta Asiyada açacaq.

Onews.az-ın Siyasət Şöbəsi