Gürcüstanın Rustavi Şəhər Məhkəməsi prokurorluğun təqdim etdiyi sübutları tam qəbul edərək Qardabani bələdiyyəsində qəsdən adam öldürməkdə təqsirləndirilən iki nəfəri ağırlaşdırıcı şəraitdə 20 il müddətinə azadlıqdan məhrum edib.

Onews.az xəbər verir ki, bu barədə Baş Prokurorluq məlumat yayıb.

Məhkəmə prosesində sübuta yetirilib ki, 2023-cü ilin avqust ayında Qardabani bələdiyyəsinin Qaratəhlə kəndində təqsirləndirilən şəxslər qisas məqsədi ilə xüsusi amansızlıqla qrup halında zərərçəkmiş şəxsin həyatına təhlükə törədən, çoxsaylı bədən xəsarətləri yetiriblər. Zərərçəkmiş aldığı xəsarətlər nəticəsində dünyasını dəyişib.

Prokurorluq hər iki şəxsə qarşı Cinayət Məcəlləsinin 109-cu maddəsi ilə ittiham irəli sürüb. Məhkəmə onların hər ikisini irəli sürülən ittihamlar üzrə tam təqsirli bilib.

Məlumat üçün bildirək ki, söhbət Texniki Universitetinin müəllimi Otar Gelaşvilinin oğurlanması və işgəncə ilə öldürülməsi hadisəsindən gedir. O, Qardabani meşəsində işgəncə verilmiş vəziyyətdə çoban tərəfindən tapılıb. Təxminən 1 aya yaxın xəstəxanada huşsuz vəziyyətdə olan Gelaşvilini xilas etmək mümkün olmayıb.

Rauf