Gürcüstanın Rustavi şəhərində iki qadını qətlə yetirməkdə təqsirləndirilən şəxs həbs edilib.

Onews.az Rustaviyə istinadən xəbər verir ki, hadisə bir neçə dəqiqə öncə baş verib.

Mövcud məlumata görə, cinayət Dumbadze küçəsində qeydə alınıb.

Əldə olan məlumata görə, uşaq arabasında körpəsi ilə küçədə gəzən ana və qızı keçmiş həyat yoldaşı tərəfindən qətlə yetirilib.

Azyaşlı uşaq isə təcili tibbi yardım vasitəsi ilə həkim nəzarətinə aparılıb.

Daxili İşlər Nazirliyində ağırlaşdırıcı şəraitdə qəsdən adam öldürməni nəzərdə tutan Cinayət Məcəlləsinin 109-cu maddəsi ilə cinayət işi başlanıb. Qətl hadisəsi yerində əməliyyat-istintaq tədbirləri davam etdirilir.
Türkay