"Mixeil Saakaşvilinin "Vahid Milli Hərəkat" partiyası hakimiyyətə qayıtsa, bütün Gürcüstanı edam gözləyir".

Onews.az xəbər verir ki, bu sözləri Gürcüstan parlamentinin sədri Şalva Papuaşvili deyib.

Onun sözlərinə görə, "Vahid Milli Hərəkat" partiyasının deputatı Gürcüstan polisini siyasi qərəzlilikdə ittiham edib:

"Milli Hərəkat Partiyasından olan deputat Qubaz Sanikidze bir müddət əvvəl bildirmişdi ki, müxalifət oktyabrda keçiriləcək parlament seçkilərində qalib gəlsə, təhlükəsizlik orqanlarında “böyük islahatlar” aparılacaq. Daxili İşlər Nazirliyinin zabit korpusunun yuxarı və orta təbəqəsi işdən çıxarılacaq.

Bu adamlar hakimiyyətə gəlsələr, 2003-cü ildə olduğu kimi, təkcə polisi deyil, bütün Gürcüstanı edam edəcəklər. Bu partiya Milli Hərəkat fəlsəfəsinin daşıyıcıları olan, insan ləyaqəti, dövlət institutları və gürcü xalqı üçün heç bir əhəmiyyət kəsb etməyən insanlarla doludur”, - deyə Papuaşvili qeyd edib.

Elgiz Borçalı