İdmanın hər zaman sülh simvolu olduğunu eşitmişik.

Hətta qədim zamanlarda olimpiya yarışları başlayarkən müharibələr də dayanarmış...

Amma elə zaman gəlir ki, idman da qanlı müharibənin başlamasına səbəb olur.

Dünyanın ən sevimli idman növü olan futbol da 55 il bundan əvvəl qanlı savaşa imza atır.

Onews.az-ın araşdırmasına görə, 1969-cu ildə El Salvador və Honduras arasında keçirilən futbol oyununda El Salvador məğlub olur.

Nəticədə El Salvador Respublikası rəqib ölkəyə müharibə elan edir.

4 gün davam edən müharibə ABŞ-ın müdaxiləsi ilə başa çatır.
Bu qanlı savaşı “Futbol müharibəsi” və ya “100 saatlıq müharibə” adlandıranlar da var.

Əslində müharibənin səbəbi iki ölkə arasındakı siyasi konfliktlər və immiqrasiya problemləri ilə bağlı idi.

Çünki El Salvador əhalisi aclıq və dolanışıq səbəbi ilə Hondurasa köç etməyə başlamışdılar.

Honduras hökuməti isə qanunsuz miqrantlara görə bir neçə dəfə El Salvador dövlətinə xəbərdarlıq ünvanlamışdı.
Amma El Salvador hakimiyyəti bu rəsmi xəbərdarlıqlara heç bir məhəl qoymamışdı.

Nəticədə Honduras polisi dövlət sərhədini pozan salvadorlulara qarşı silah tətbiq etmişdi.

Bundan sonra El Salvador hakimiyyəti ordusu olmayan Hondurasa qarşı “ultimatomlar yağışına” start vermişdi.
Konfliktin qanlı fazası 1970 FİFA Dünya Kubokunun Şimali Amerika ikinci seçmə mərhələsi zamanı başlayır.
1969-cu ildə futbol üzrə dünya çempionatının seçmə mərhələsində pley-off oyunu keçirilir.
Honduras komandası o zaman güclü heyətə malik idi.

Belə güclü heyətin tarixində ilk dəfə dünya çempionatına çıxacaq Salvadora uduzması vəziyyəti daha da qızışdırır.
Honduras tərəfi hesab edirdi ki, El Salvador rəsmiləri oyunun hakiminə zor tətbiq ediblər.
Nəticdə oyunun nəticəsi fərqli formada bitib...

Bu ittihamlara dözməyən El-Salvador ordusu 1969-cu ilin iyulun 14-də Honduras üzərinə hücuma keçir.
Nəticədə hər iki tərəfdən 210 nəfərin cəsədi döyüş meydanında qalır.
Ümumilikdə tərəflərin 651 hərbçisi yaralanır.

İyulun 18-dən 19-na keçən gecə ABŞ rəsmiləri danışıqlar nəticəsində atəşkəsə nail olurlar.
Amerika Dövlətləri Təşkilatının səyi ilə iyulun 20-də iki ölkə arasında tam sülh əldə edilir.
Amma Salvador əsgərləri Honduras ərazisindən avqustun əvvəllərində çıxarılır.

Turan