O, çar ordusunda qısa müddətdə general-mayor rütbəsinə qədər yüksəlir.

Azərbaycan Cümhuriyyətinin Milli Ordusunda da general-mayor kimi xidmət edir.
Cümhuriyyətin süqutundan sonra Tehrana yollanır və İran parlamentinin üzvü seçilir.

Atası Bəhmən Mirzə Qacar Qacarlar dövlətinin şahzadəsi və taxt-tacın varisi idi.
Qardaşı Əmir Kazım mirzə Bəhmən də AXC Ordusunun general-mayoru və Gəncənin komendantı idi.

Onews.az-ın xəbərinə görə, şöhbət Azərbaycan, Çar Rusiyası və İran ordularının generalı Əmənulla Mirzə Bəhmən oğlu Qacardan gedir.

General Əmənulla Qacar 1857-ci ildə Şuşada doğulur.

O, ailənin 17-ci övladı idi.

İlk təhsilini Şuşada, dövrünün ən tanınmış müəllimlərindən alır.

Sankt-Peterburqdakı hərbi kadet korpusunu bitirir.

Əmənulla mirzə 1879-cu ildə Zaqataladakı 164-cü piyada alayında xidmətə başlayır.

1883-cü ildə baş leytenant rütbəsinə yüksəlir.
Sonra Kuban Kazaklarının II taborunun komandiri təyin edilir.

Birinci Dünya müharibəsində Əmənulla xan Avstriya-Macarıstana qarşı cənub-qərb cəbhəsində döyüşür

25 aprel 1915-ci ildə o, polkovnik rütbəsinə yüksəlir.

Bir qədər sonra ayağından ağır şəkildə yaralanır.
Əmənulla Qacar müalicə almaq üçün arxa cəbhəyə göndərilir.

1916-cı ildə bu yaralardan sağalır və yenidən cəbhəyə geri dönür.

Marhonovka kəndi yaxınlığında düşmən səngərlərini ələ keçirir.
Avstriya ordusunun atəş gücünə ağır zərbələr vurur.

Göstərdiyi igidliyə görə “Müqəddəs Georgi Qılıncı” ilə mükafatlandırılır.
Azərbaycan Cümhuriyyəti dövründə Hərbiyyə Nazirliyində fəaliyyətə başlayır.

Milli Ordunun I Piyada Diviziyasının komandanının müavini təyin edilir.

Bu diviziyanın qərərgahı Xankəndi və Şuşada yerləşirdi.
O, erməni silahlı dəstələrinin Azərbaycan ordusuna qarşı təşkil etdiyi hücuma qarşı vuruşur.

Erməni üsyanının yatırılmasında fədakarlıq göstərir.

Cümhuriyyətin süqutundan 9 il sonra – 1929-cu ildə İrana mühacirət edir.
Tehranda yaşayan general-mayor Əmənulla mirzə Qacar hərbi məktəbdə işəyir.

İran nizami ordusunun yaradılmasında yaxından ilgilənir.
Bundan başqa, siyasi fəaliyyətlə də məşğul olan Əmənulla xan İran parlamentinin deputatı seçilir.

Bu çərçivədə İran-Sovet dostluq cəmiyyətinin rəhbəri vəzifəsində çalışır.
1937-ci ildə Tehranda dünyasını dəyişir.

Fuad Süleyman