BMT-nin İnkişaf üçün Maliyyələşdirmə üzrə 4-cü Qlobal Konfransı (FFD4) iyulun 1-də İspaniyanın Sevilya şəhərində öz işinə başlayıb.

Onews.az xəbər verir ki, hər 10 ildən bir keçirilən və 164 dövlətin və 49 beynəlxalq təşkilatın iştirak etdiyi konfransda Prezident İlham Əliyevin tapşırığı ilə ölkəmizi Baş nazirin müavini Samir Şərifovun rəhbərlik etdiyi nümayəndə heyəti təmsil edir.

Nümayəndə heyətinə Azərbaycan maliyyə nazirinin birinci müavini, İspaniya Krallığındakı səfir, Xarici İşlər Nazirliyinin Beynəlxalq İnkişafa Yardım Agentliyinin direktoru, Dayanıqlı İnkişaf üzrə Milli Əlaqələndirmə Şurasının katibi, Nazirlər Kabineti, Xarici İşlər və İqtisadiyyat nazirliklərinin məsul vəzifəli şəxsləri daxildir.

Konfransda, eyni zamanda COP29-un prezidenti, Azərbaycan Prezidentinin iqlim məsələləri üzrə nümayəndəsi iştirak edir.

Fuad