Gənc müğənni, bəstəkar Aydan Əliyeva beynəlxalq layihədə Azərbaycanı təmsil edəcək.

Onews.az xəbər verir ki, layihədə iştirak edən azərbaycanlı bəstəkar-ifaçı Albomda "Qəribə adam" adlı mahnısı ilə yer alıb.

Məlumata görə, “The World Album” dünyanın hər bir ölkəsində doğulmuş musiqiçilərin yer aldığı ilk albomdur.

Albom 200 mahnı, 93 dil, 121 musiqi janrından, 12 saat yarım xronometrajdan ibarətdir.

Aydan Əliyeva bildirib ki, layihənin "A&R" komandası tərəfindən tapılaraq dəvət alıb:

"Layihənin təsisçisi Kaliforniyalı Brandon Bekvitdir. Layihə 2023-cü ilin iyununda başlamış və albom 1 avqust 2025-ci ildə buraxılacaq. Albomda olan bütün sənətçilər birlikdə ünsiyyət qura və əməkdaşlıq edə biləcəkləri İnstaqram Qrup Kanalına bağlıdırlar. Həmçinin, 1 avqustda buraxılışı qeyd etmək üçün Amsterdamda sənətçilərin böyük toplanışı olacaq".

Tural