Baş verən gərginliklər fonunda tələbələrin xaricdə təhsil almaq imkanlarına müəyyən təsirlər göstərməkdədir.

Hələ ki, mövcud müharibələr xaricə təhsil üçün üz tutanların bu imkanlarını tamamilə əlindən almır.

Hazırda dünyanın ən aparıcı universitetlərinin yerləşdiyi ölkələrdə müharibə və savaş təhlükəsi yoxdur. Söhbət ABŞ, Kanada, Böyük Britaniya və Almaniya kimi ölkələrdən gedir. Amma Şərqi Avropa və Rusiya haqqında bunu dilə gətirmək çətindir.

Ukrayna və Rusiyaya təhsil almaq üçün gedənlərin sayında son üç ildə kəskin azalma var. O cümlədən, İsrailə təhsil almaq üçün gedənlər də bir neçə dəfə fikirləşməli olurlar. Amma keyfiyyətli təhsil almaq üçün Qərbi, Şimali və Cənubi Avropa ölkələrinə gedənlərin sayı durmadan artmaqdadır.

Ukrayna və Rusiyaya üz tutmaq istəyənlər seçimlərini daha çox Mərkəzi və Cənubi Avropaya dəyişirlər.

Hətta bəziləri Polşa və Macarıstanı seçirlər. Baş verən geosiyasi hadisələr düşünürəm ki, Azərbaycanda təhsilə çox cüzi təsir göstərəcək. Hətta bu təsir 5 faizdən də aşağı olacaq.

Sona Əliyeva
V çağırış Milli Məclisin deputatı

Onews.az