Onews.az şair, Prezident təqaüdçüsü Tural Turanın yenicə qələmə aldığı şeirini təqdim edir:

***

Daha bu torpağa, vətənə yadam.
Artıq doğmasıyam ulu göylərin.
Hər səhər önümdə tabutum gedir,
yenə burdan düşür yolu göylərin...

Ovcumda toxunur Tanrıya üzüm!
Duamı yandırıb göylərə düzür...
...Alın yazısını ölülər yazır,
min ildi sinəsi dolu göylərin.

Ulduzu, günəşi küsdürüb, köçür.
Bulud da qanımdan tünd şərab içir...
...Sərçə qanadına qoşulub qaçır
bu səhər yenə də qolu göylərin.

Öpür əllərindən... yağışı tutub -
mənim küçə-küçə gəzən tabutum...
...Deyir ki, payızın qarğışı tutub,
açılmır, açılmır dili göylərin...

Tural Turan