Bura kainatın ən zəngin ölkələrindən biridir. Bu dövlətdə minimal pensiya – 3000 ABŞ dollarıdır. Dünyanın ən uzun körpüsü – uzunluğu 48,5 kilometr olan Şeyx Cabir məhz bu ölkədə yerləşir. Ölkədə təhsil və səhiyyə pulsuzdur. Bu məmləkət Cənub-Qərbi Asiyada Fars körfəzinin sahilində yerləşir.

Onews.az-ın əməkdaşının araşdırmasına görə, söhbət zənginlər və təbii sərvətlər ölkəsi Küveytdən gedir.
Nikah mərasimi ilə bağlı gənc ailə dövlətdən 250 000 dolları hədiyyə alır.

Müəllim və ya həkimin aylıq əməkhaqqı maaşı 15 000 dollardır. Yerlilər burada adi həkim kimi işləmirlər. Onlar yalnız aparıcı vəzifələrdə təmsil olunurlar.

Kuveytdə 250 000 dollar həcmində ipoteka kreditini 0% ilə götürmək mümkündür. Əgər siz ölkə xaricində oxumaq istəsəniz, dövlət sizin təyyarə xərclərinizi və təhsil haqqınızı ödəyəcək.

Hələ bununla yanaşı, sizə 2000 dollar həcmində təqaüd də ayıracaq. Uşaqlara görə müavinət haqqı 200 dollar təşkil edir.
Bu təqaüd uşaqlar 26 yaşına çatana qədər ödənilir. Boşanmış xanıma ödənilən müavinətin miqdar ayda 1400 dollardan çoxdur.

Boşanmış qadın iş tapana qədər bu məbləği almağa davam edir. Küveyt dövləti 2007-ci ildə vətəndaşlara 1 milyard dollar həcmində kredit borclarını bağışlayıb.

Hər il elmi dərəcələrə görə verilən əlavə müavinətlər də fantastik vəsait hesab oluna bilər.

Burada magistrlar ayda 700 dollar maaş alır. Elmlər doktoru dərəcəsinə sahib çıxanlar isə 1400 dolları qatlayıb ciblərinə qoyurlar. Küveyt səhranın ortasında yerləşən – iri ticarət mərkəzini xatırladır.

Burada tox və tənbəl küveytlilər gəzib dolaşırlar. Onların hər birinə isə 2 əcnəbi vətəndaş xidmət göstərir.
Əhalinin ümumi sayı 3,5 milyon nəfərdir. Yerli küveytlilərin sayı cəmi 1 milyon nəfərdən çox deyil.

Turan