O, çox sevdiyi atı “İnsitata”nı əvvəlcə ölkənin vətəndaşı etmişdi.
Daha sonra dövlətin ən ali orqanına – senata senator gətirmişdi.
Əsəbiləşəndə generallarını və sərkərdələrini qamçı ilə döyürmüş.

Xalqın hörmətini qazanmaq üçün özünə “uzunboğaz çəkmə” ləqəbini götürmüşdü.
Hərbi əyanları və zənginləri məcbur edirmiş kimi onu varis elan etsinlər.

Varis elan ediləndən sonra sərvətlərinə sahib olmaq üçün onları öldürürmüş.
Cəmi 28 illik ömründə xalqı o qədər cana doyurur ki, axırda bıçaqlanaraq qətlə yetirilir.

Onews.az-ın araşdırmasına görə, söhbət tarixin ən qəddar hərbi və dövlət xadimi Qay Yuli Sezar Kaliquladan gedir.

O, üçüncü Roma imperatoru idi.
Kaliqula 12-ci ildə anadan olmuşdu.
Uşaqlığı hərbi düşərgələrdə keçir.
Atası Germanik çox hörmətli adam olur.

Ona görə o öləndən sonra Tiberi xalqın xoşuna gəlmək üçün Qayı oğulluğa götürmüşdü.
Kaliqulanın valideynləri hərbçilər arasında populyarlıq qazanmaq üçün uşağa hərbi forma geydirərdilər.

Onun üçün xüsusi olaraq balaca çəkmə də tikdirmişdilər.
Bu, hərbçiləri riqqətə gətirərdi və uşağı nəvazişlə "Kaliqula" (çəkməciyəz) adlandırardılar.
31-ci ildə 19 yaşı tamam olanda atası çoxdan ölmüşdü.

Anası və iki böyük qardaşı isə hökmdarın qəzəbinə gəlmişdi.
Sələfi Tiberi əvvəlcə Kaliqulanın anası Böyük Aqrippinanı, sonra isə böyük qardaşı Neronu məhv eləmişdi.

Beləliklə, Kaliqula Germanikin tək oğlu və Tiberinin ehtimal olunan varisi kimi qalmışdı.
Kaliqulanın boyu qısa, üzünün rəngi solğun idi.

Ona yuxarıdan baxmaq və ya hətta bilmədən "keçi" sözünü işlətmək ölümə səbəb olan cinayət sayılırdı.
Anadangəlmə idbar olan sifətini daha da qorxunc eləmək üçün güzgü qabağında təmrinlər edərmiş.
O vaxtın dram əsərlərinin birindən əzbərlədiyi bu sözləri deməyi çox sevirdi: SİTAT: "Qoy nifrət etsinlər, təki qorxsunlar…".
Kaliqula qısa müddətə o, ölkəni monarxiyaya çevirir.
Respublika üsul-idarəsindən heç bir əsər-əlamət qalmır.

Bir zaman dərin rəğbətini qazandığı xalqın ondan üz döndərməsindən nəinki qorxmur, hətta buna çalışırmış.
Bir ildən az vaxtda Tiberidən qalan iki milyard yeddi yüz milyon pulun altından girib üstündən çıxır.
Büdcəni dağıtmaqla kifayətlənmir, açıq-aşkar rüşvət yığırdı.

Qızı olanda o Roma xalqından tələb edirki, uşağın tərbiyəsi və cehizlik üçün pul gətirsinlər.

Yeni ilin ilk günündə sarayın ağzında dayanaraq dəstə-dəstə adamların ovucla və ya ətəyindən ona tərəf atdığı pulları tuturdu.

Nəhayət, bu pullara əlləri ilə təmas etmək ehtirası ilə yanıb-yaxılan sərsəmləmiş hökmdar qızıl pulları yerə sərərmiş.
Sonra onların üstü ilə ayaqyalın gəzər və ya mayallaq aşar, bədənini pula sürtərmiş.
Ən böyük zülmü zadəganlara qarşı edir.

Onlardan tələb edirmiş ki, varlı adamlar və əyanlar öz vəsiyyətlərində onu varis kimi göstərsinlər.
Sonra onları cinayətkar elan edir və əmlaklarına sahib olurdu.

Bir müddət sonra xalq onun bu əməlləridən lap təngə gəlir.
Nəticədə 28 yaşında elə sarayındaca bıçaqlanaraq öldürülür.

Turan