Gürcüstanın işğal olunmuş Abxaziya bölgəsində müxalifətlə qondarma hökümət arasında gərginlik hökm sürür.

Onews.az yerli mətbuata istinadən xəbər verir ki, Rusiya ilə investisiya sazişinin ratifikasiyasına qarşı çıxan bir neçə müxalifət nümayəndəsi həbs edilib.

Elə bu səbəbdən də, müxalifət nümayəndələri etiraz aksiyalarına başlayıb və bir sıra magistral yolları bağlayıblar. Məlumata əsasən, hazırda müxalifət üzvləri Suxumidən çıxan hər üç körpünün qarşısını kəsiblər.

Qeyd olunur ki, bu gün səhər yerli hökumət nümayəndələri aksiya iştirakçılarına saxlanılan şəxslərin 1 saat ərzində azad edəcəklərini vəd ediblər və bu vədin müqabilində körpünün bloku müvəqqəti olaraq açılıb, lakin həbs olunan şəxslər azad olunmadığı üçün, müxalifət nümayəndləri yolu yenidən bağlayıblar.

Elgiz Məmməd