Gürcüstan hazırda son otuz ilin ən ağır dövlətçilik imtahanını verir. Şimal-qərb qonşuluğumuzdakı ölkədə siyasi-ictimai vəziyyət doğrudan da pik həddədir.

Əgər Qərb Tbilisidə qalib gəlsə, şübhəsiz ki, "qoca qitə"nin növbəti hədəfi Bakı olacaq. Son hadisələr göstərir ki, hazırkı oyun quruculuğunda Qərb Kremlə uduzur.

Moskva İrəvanın ardından Tbilisini də itirmək niyyətində deyil. Ortada 200 illik imperiya tarixinin süqutu məsələsi var.

Kreml üçün Güney Qafqazda "olum ya ölüm dilemması" sonuncu aşamaya qədəm qoyur.

Əgər Rusiya İrəvan və Tbilisinin süqutuna göz yumacaqsa, o zaman Bakı da xarici siyasət kursunda Qərbə doğru "U" dönüşü edə bilər.

Odlar Yurdu hələ ki, regiondakı alovun trayektoriyasına uyğun manevrlər etməklə vaxt udmağa və Qərb-Kreml qarşıdurmasının Tbilisidə hansı sonluqla nəticələnəcəyini gözləməyə köklənib.

Bakının üstün cəhəti ondan ibarətdir ki, Kremlin və Qərbin əlindəki kartlardan xəbərdardır. Çünki hər iki qütb gedişlərini məsləhətləşmək üçün Bakı ilə "baxışaraq" həll və həmlələr edirlər...

Tural Turan
Siyasi şərhçi
Onews.az