Boliviyanın rəsmi paytaxtı Sukre olmasına baxmayaraq, La Pasda dövlət idarələrinin çoxu cəmləşib.

O cümlədən, prezident iqamətgahı buradadır.
La Pas eyniadlı çayın sahilində, dəniz səviyyəsindən 3 600 metr hündürlükdə yerləşir.

Onews.az xəbər verir ki, adıçəkilən məkanın əhalisi şəhərətrafı ilə birlikdə 1 609 000 nəfərdir.

Şəhər bir neçə milyon il bundan əvvəl sönmüş vulkanın kraterində salınıb.
Yüksəklikdə yerləşdiyinə görə iqlimi sərindir.
Sıra dağların əhatəsində yerləşir.

Ən geniş inkişaf etmiş kənd təsərrüfatı sahəsi cins qoyunçuluqdur.
Bu səbəbdən, şəhərdə satılan bir çox qida məhsulları təbii dada və keyfiyyətə malikdir.
Burada ən isti ay 15 dərəcə temperaturla noyabrdır.

La Pasın ən soyuq günləri isə müsbət 7 dərəcə isti ilə iyulun payına düşür.

Şəhər 1548-ci ildə Alonso de Mendoso tərəfindən qədim hindu qəsəbəsi Çukiaqonun yaxınlığında salınır.

Yaşayış yerinin ilk adı “Nuestra Senyora de la Pa”s idi.
Mənası yerli dildə “bizim sülhsevər anamız” deməkdir.

Şəhər memarlığı ispan işğalı dövründə memarlıq üslubunu rəngarəngləşdirə bilir.
Burada ispan və fransız memarlığı yerli elementlərlə qəribə çəkildə çuğlaşır.
La Pas 1898-ci ildə ölkənin faktiki paytaxtına çevrilir.

Tarixən çox sayda qiyamların, inqilabların və dövlət çevrilişlərinin şahidi olub.
Şəhərdə yeyinti, yüngül və tütün sənayesi müəssisələri yerləşir.
La Pasın geniş dəmiryol xətti var.

Hətta yüksəklikdə yerləşməsinə baxmayaraq, beynəlxalq aeroporta malikdir.
El Alto Beynəlxalq Aeroportu ən yüksəklikdə yerləşən beynəlxalq aeroport sayılır.

Bu hava dayanacağı dəniz səviyysindən 4050 metr yüksəklikdə qurulub.
La Pas ən yüksəklikdə yerləşən milyoner şəhər və de-fakto paytaxtdır.
Buradakı milyonçuların sayı 150-dən çoxdur.

Şəhərin beşdə-üçü milyonçuların malikanələrindən və mülklərindən ibarətdir.
Yüksəklik amilinə görə La Pasda su 88 °C-də qaynayır.

La Pas şəhərinin mərkəzi avtobus stansiyası Eyfel qülləsinin layihəçisi Qustav Eyfel tərəfindən layihələndirilib.
Şəhərdəki binaların dam örtüklərini qırmızı rəngli saxsı kirəmitlər bəzəyir.
La Pası havadan quşbaxışı görmək istəyənlər Luate kanatına minə bilərlər.

Birnəfərlik gedişhaqqı cəmi 5 dollardır.


Banu Murad