"Ölkə başçısı İlham Əliyev jurnaliatlərə müsahibəsində Ermənistana xəbərdarlıq etdi. Azərbaycan Prezidenti bildirdi ki, İrəvanın Yaxın Şərqdəki ən yaxın müttəfiqi olan Əsəd rejimi tarixin zibilliyinə göndərildi və bu davam edəcək. İlham Əliyevin "bu davam edəcək" mesajı o deməkdir ki, Ermənistanın digər müttəfiqlərini də eyni aqibət gözləyir. Söhbət İran, Rusiya və digərlərindən gedir".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, son dörd ildə Ermənistana siyasi dayəlik edən Birləşmiş Ştatlardakı Co Bayden administrasiyası cəmi 2 həftə sonra hakimiyyəti Donald Trampa təhvil verir. Deməli, Nikol Vovayeviç Qərbdəki ən yaxın tərəfdaşlarından birini itirir:

"Geriyə Hindistanı saymasaq İran və Rusiya qalır. Artıq Tramp hakimiyyəti İrana qarşı savaşın gerçəkləşəcəyi ilə bağlı mesajlar verir. Bu o deməkdir ki, Ermənistan Əsəd və Baydendən sonra növbəti arxa-dayağını - molla rejimini də itirəcək. Qərb koalisiyası molla rejimini devirərək cənub sərhədlərimizdə sivil və demokratik İran dövlətinin qurulmasını istəyir. İstənilən savaş ssenariaində Ermənistan cənubdakı hava nəfəsliyini itirmiş olacaq. İranla paralel olaraq Rusiyanı da gərgin vəziyyət gözləyir. Ukrayna savaşının uzanması Ermənistanın kağız üzərindəki müttəfiqi sayılan Rusiyanı da "təkayaq" duruma salacaq. Doğrudur, hazırda Ermənistan-Rusiya müttəfiqliyi o qədər də hamar deyil. Buna baxmayaraq, Ukrayna müharibəsi fonunda Rusiya daxilində müəyyən çaxnaşmaların baş verməsi ehtimalı da az deyil. Moskvada klanlararası savaş, iqtisadi çöküş Rusiyanı bir qədər öz daxilinə çəkəcək. Prezident də Zəngəzur dəhlizinin açılması fonunda Ermənistana bu mesajı ötürürdü. Ona görə də əminliklə "bu dəhliz açılacaq" fikrini səsləndirirdi. Düşünürəm ki, hadisələrin indiki axarı bütün istiqamətlərdə Bakının xeyrinədir".

Fuad Süleyman