"Ermənistan Avropa Birliyinin üzvü ola bilməyəcək. Çünki İrəvan başqa dövlətlərin əlində alət olmağa davam etdikcə, regionda əsas münaqişə katalizatoru kimi qalacaq. Bu cür köklü problemləri olan ölkəni isə Avropa Birliyində heç kim istəmir. Bir sözlə, Ermənistanı da Gürcüstanın aqibəti gözləyir".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, Avropa Birliyinin məqsədi Tbilisidən sonra İrəvanı da Kremllə üz-üzə qoymaqdır:

"Üstəlik, Azərbaycanla sülh sazişi imzalanmayıb. Ermənistanın Türkiyə və Azərbaycana qarşı ərazi iddialarından əl çəkməməsi də Avropa Birliyi yolunda işğalçı ölkəyə böyük əngəllər yaradacaq. Düşünürəm ki, bu prosesin gedişində ya Nikol Paşinyan hökuməti istefa verəcək, ya da Ermənistanın Avropa Birliyinə girməsini əngəlləmək istəyən Kreml onun fiziki məhvi üçün plan hazırlayacaq. Ən əsası, Ermənistan cəmiyyəti də bir sıra idoloji problemlərdən imtina etdikdən sonra Avropa Birliyi istiqamətində addımlamağa hazır deyil".

Banu Murad