“Yaxın həftələrdə Rusiyanın Ermənistana siyasi təzyiqləri daha da arta bilər”.

Bunu Onews.az-a açıqlamasında V çağırış Milli Məclisin deputatı, siyasi şərhçi Sona Əliyeva deyib.

Eks-millət vəkilinin fikrincə, ABŞ Dövlət Departamentində ABŞ və Ermənistan arasında imzalanan strateji tərəfdaşlıq haqqında xartiya İrəvanın KTMT-dən tamamilə uzaqlaşması anlamına gəlir:
“Bu saziş Rusiyanın Cənubi Qafqazdan əl-ayağını kəsmək üçün ABŞ-ın ən böyük gedişlərindən sayılmalıdır. Yəni, gələcəkdə bu sənədə əsasən Birləşmiş Ştatlar da Ermənistanda hərbi baza yarada bilər. Moskva bunu həzm edə bilməyəcək. Hələ ki, Kremlin başı Ukrayna cəbhəsinə qarışıb. Amma fürsət düşən kimi İrəvandan hesab soracaq. Düşünürəm ki, qarşıdakı dönəmdə oyun taxtasında İrəvan çətin duruma düşəcək. Ona görə ki, Ermənistan iqtisadiyyatı hazırda Qərbdən yox, məhz Rusiyadan asılıdır”.

Fuad Süleyman