"İsrail hökumətinin atəşkəsi pozmasına və hazırkı durumdan sui-istifadə etməsinə icazə verilməməlidir".

Onews.az-ın xəbərinə görə, bunu Türkiyə Prezidenti Rəcəb Tayyib Ərdoğan deyib.

Qardaş ölkə rəhbərinin fikrincə, beynəlxalq ictimaiyyət 50 min övladını qurban verən Qəzza xalqına qarşı bu hüquqi və mənəvi məsuliyyəti yerinə yetirməlidir:

"İllərdir dediyimiz kimi, Yaxın Şərqdə daimi sülh və sabitlik ancaq Fələstinə sülhün gətirilməsi ilə baş verəcək. Bu, fələstinlilərin məruz qaldığı haqsızlığa son qoyulması ilə mümkündür. Düşünürük ki, 1967-ci il sərhədlərinə əsaslanan, paytaxtı Şərqi Qüds olmaqla, coğrafi ərazi bütövlüyünə malik, müstəqil və suveren Fələstin dövlətinin qurulması üçün sülh danışıqları ən qısa zamanda başlanmalıdır. İlyarımlıq savaşda canlarını fəda edən, lakin Qəzzanı işğalçılara verməyən qardaşlarımı bir daha ehtiramla salamlayıram. Eyni zamanda, Fələstin şəhidlərini rəhmətlə yad edir, yaralananlara tezliklə şəfa diləyirəm”.

Fuad