"Yaxın on il ərzində Türk Dövlətləri Təşkilatına daha 2 üzvün qatılması ehtimalı böyükdür. Dünyanın çoxqütblü vektora keçidindən sonra hadisələrin sürətli gedişatı və nahamar oyun qaydalarına rəğmən muxtar statuslu türk coğrafiyalarında milli dövlətçilik şüurunun oyanışı bunu deməyə əsas verir".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, Rusiyada imperiyanın süqutu ilə TDT-yə qatılacaq türk dövlətlərinin sayı daha da artacaq:

"Hələ ki, Suriya və İraq ərazilərində yüz illərdir əsarətdə yaşayan türkmən qardaşlarımız Türkməneli Cümhuriyyətinin qurulması ilə bağlı böyük çabalar göstərirlər. Var olmaq uğrunda durmadan mübarizə aparırlar. Qaqauz Yeri Respublikasının yaranması üçün də tarixi şərait yaranıb. Yaxın on il ərzində bu cümhuriyyətləri TDT-nin yeni üzvü kimi görə bilərik".

Banu Murad