Gürcüstan parlamentinin sədri Şalva Papuaşvili Ermənistan Respublikasının Gürcüstandakı səfiri Aşot Smbatyanla görüş keçirib.

Onews.az xəbər verir ki, bu barədə parlamentin mətbuat xidməti məlumat yayıb.

Məlumata əsasən, tərəflər "parlament əməkdaşlığının daha da dərinləşdirilməsi"nin vacibliyinə diqqət yetirilib.

Görüşdə hər iki ölkədə baş verən siyasi hadisələr nəzərdən keçirilib.

Söhbət zamanı Ermənistanın Qərblə əlaqələrin gücləndirilməsində, o cümlədən Ermənistan və Amerika Birləşmiş Ştatları arasında Strateji Tərəfdaşlıq Xartiyasının imzalanmasında artan marağa toxunulub.

Həmçinin qeyd olunub ki, Gürcüstan-ABŞ və Ermənistan-ABŞ münasibətlərinin gələcək inkişafı ABŞ-ın yeni prezidenti Donald Trampdan əhəmiyyətli dərəcədə asılı olacaq.

Görüşdə tərəflər Cənubi Qafqazdakı mövcud vəziyyəti müzakirə edib və regional sülh və sabitliyin vacibliyini vurğulayıblar.

Parlamentin sədri və Ermənistanın səfiri kinorejissor və müğənni Şarl Aznavurun anadan olmasının 100 illiyinin Gürcüstanda layiqincə qeyd olunmasını da nəzərdən keçiriblər.

Elgiz