Gürcüstanla dəmiryolunun açılmasının kulisində İran amili var.

Bakı Tehranı bu yolla təhrik edir ki, Rəşt-Astara dəmir yolu açılsın. Daha dəqiq desək, şirnikləndirir.

Azərbaycan və İran rəsmilərinin son günlərdə qarşılıqlı səfərləri, Hikmət Hacıyevin İsrail ziyarəti və bağlı qapılar arxasındakı müzakirə mövzularından biri də heç şübhəsiz ki, İranla dəmir yolu əlaqələrinin formalaşdırılması ilə bağlıdır.

Bakı Tel-Əvivin bu istiqamətdə müsbət fikrini aldıqdan sonra çox güman ki, İranla dəmiryolu əlaqələrinə (sərnişin və yükdaşıma) "yaşıl işıq" yandırıb.

Əvvəl Azərbaycan tərəfi adıçəkilən dəmir yolu xəttinin İran ərazisindən keçən hissəsinə də maliyyə donorluğu etmək istədiyini bəyan edirdi. İndi vəziyyət dəyişib.

Artıq Tehran hökuməti əl-ayağa düşüb və Azərbaycan Respublikası ilə ticari əlaqələrin genişləndirilməsinə ehtiyac duyur. Çünki 2025-ci il İran iqtisadiyyatı üçün "koma ili"dir. İran valyutası da dollar eşqi qarşısında günü-gündən "əriməkdədir".

Bakı Tbilisi ilə dəmiryolu xəttini açmaq niyyətini ortaya qoymaqla Tehrandakı əmmaməli rejimə də pas ötürmüş oldu.

Tural Turan
Siyasi şərhçi

Onews.az