10 aprel 1992-ci ildə Azərbaycan Ordusu ən uğurlu əməliyyatlarından birini həyata keçirir.

Ordumuzun budəfəki əsas hədəf istiqaməti Ağdərə bölgəsi seçilmişdi.

Əməliyyatın əsas hədəfi Tərtərin 3 kilometrliyində yerləşən Marağa kəndini idi.

Onews.az-ın araşdırma qrupu xəbər verir ki, ən qısa zamanda bu kənddən erməni quldurlarının çıxarılması tapşırığı qoyulur.
Ermənilər bu kəndi “Marquşavan” adlandırırdılar.

Səhər saat 05:00-da ordumuzun əməliyyata başlayır.
Bərdə və Tərtər batalyonları güclərini birləşdirərək hücuma keçir.
Digər istiqamətdə isə Xüsusi Təyinatlı Polis Dəstəsi irəliləyir.

Üç istiqamətdən düşmənin üzərinə hücuma başlanılır.
Əvvəlcə qəsəbənin şərq hissəsi düşməndən təmizlənir.

Tank və PDM-lərin iştirakı ilə əsgərlərimiz qəsəbənin içərilərinə doğru irəliləyir.
Bu zaman qəflətən içi erməni hərbçiləri ilə dolu KAMAZ tankçılarımızın qarşısına çıxır.
Sərrast atəşlə düşmən kamazı məhv edilir.

Ordumuzun aldadıcı manevri ilə düşmən gizləndikləri meşələrdən çıxır.
Ermənilər əsgərlərimizi mühasirəyə saldıqlarını düşünürlər.
Amma bu bir pusqu idi.

Nəticədə 110-dan çox düşmən hərbçisi məhv edilir.
150-dən çox erməni yaraqlısı əsir götürülür.
Düşmənin 3 tankı isə qənimət olaraq ələ keçirilir.
Ermənilərin 15 PDM-nin bəziləri döyüş zamanı sıradan çıxarılır.

Bir qismi isə işlək vəziyyətdə əsgərlərimizin ixtiyarına verilir.
Beş saatlıq əməliyyatdan sonra ordumuz Marağanı ələ keçirir.
Sonradan bu kənd Şıxarx qəsəbəsi adlandırılır.
Azərbaycan Ordusu bu döyüşdə biri polis olmaqla 17 şəhid verir.

Rauf Süleymanov
Fuad Süleyman