1943-cü ildə ABŞ və Britaniya Almaniyaya qarşı tam məxfi əməliyyata başlayır.

Onews.az yada salır ki, əməliyyat sonradan tarixə “Hamburq işi” kimi düşəcəkdi.
Onu “Hamorra əməliyyatı” adlandıranlar da az deyil.

Əməliyyat 1943-cü ilin iyulun 24-dən 25-ə keçən gecə saat 00.57-də başlayır.
İlkin olaraq 50 dəqiqə davam edən əməliyyatda 791 təyyarə iştirak edir.

Əməliyyat nəticəsində Hamburqa 2400 ton bomba atılır.
Ümumilikdə iyulun 25-dən avqustun 3-ə qədər Britaniya hərbi hava qüvvələrinin 2355, amerikalı hərbi təyyarəçilərinin 835 uçuşu qeydə alınır.

“Homorra” əməliyyatı zamanı Hamburq şəhərində olan tikililərin 74 faizi tamamilə dağılır.

Təxmini statistikaya görə ölənlərin sayı 50 min nəfəri ötür.

200 mindən artıq insan müxtəlif dərəcəli bədən xəsarətləri alır.

Həlak olanların 8 min nəfəri uşaq, 21 min nəfəri qadın idi.
10 mindən artıq uşaq hər iki valideynini itirir.
Şəhərdə fəaliyyət göstərən 80 hərbi obyekt, 500-dən artıq sənaye müəssisələri - fabrik və zavodlar məhv olur.
16 körpü, ümumilikdə istehsalat müəssisələrinin 90 faizi sıradan çıxır.

Bir milyondan artıq insan yaşayış yerindən məhrum qalır.
24 min yaşayış binası tamamilə yararsız vəziyyətə düşür.
Əməliyyatın ən dəhşətli günü iyulun 28-i olur.

Həmin gün Hamburqa dağıdıcı bombalar atmaqla yanaşı, yanğın törədən bombalar da atılır.

Rəsmi məlumatlara görə iyulun 28-də yanğınlardan ölənlərin sayı 30 mini ötür.

Digər tərəfdən, isti hava yanğınların genişlənməsinə səbəb olur.

Yolların sıradan çıxması isə yanğınsöndürən avtomobillərin hərəkətini iflic vəziyyətinə salır.
“Homorra” əməliyyatında bütövlükdə ABŞ-ın və Böyük Britaniyanın silahlı qüvvələrindən 100 min nəfər iştirak edir.
Əvvəlcə əməliyyatda SSRİ-nin iştirak etməsi də nəzərdə tutulur.

Amma Stalin ağır Stalinqrad döyüşlərini əsas gətirir.

Ona görə də Stalin “Homorra” əməliyyatına SSRİ-nin silahlı qüvvələrinin cəlb edilməsini məqsədəuyğun saymır.

İosif Stalin isə “Homorra” əməliyyatının əsas müəllifi olan marşal Artur Harrisi “Suvorov” ordeni ilə mükafatlandırır.

“Homorra” əməliyyatı iştirakçılarının və qurbanlarının sayına görə dünya hərb tarixində ən dəhşətli əməliyyatlardan biri sayılır.

Tural Turan