2020-ci il müharibəsindən sonra Azərbaycanla sərhəd ərazilərdə yaşayan bəzi şəxslərdə hələ də qanunsuz silahların saxlanıldığı, aidiyyatı polis orqanlarına təhvil verilmədiyi barədə məlumatlar var.

Onews.az xəbər verir ki, bu barədə Ermənistan İstintaq Komitəsinin bəyanatında bildirilir.

Qurumun bəyanatında qeyd edilir ki, vaxtilə döyüş bölgəsindən fərarilik etmiş, döyüşlərdən yayınmış şəxslər silahlarını, onların mərmi və digər ləvazimatlarını da müharibə bölgəsindən çıxararaq özləri ilə gətiriblər.

Silahlarını 4 il müddətində təhvil verməyən şəxslərin və hələ də qanunsuz olaraq saxlanılan silahların sayı barıdə bəlumatlar verilmir.

Vurğulanır ki, hazırda həmin silahların uçotu aparılır və fərarilik etmiş şəxslərdəki silahların növü, eləcə də təyinatı barədə məlumatlar toplanılır.

Komitə həmin şəxslərə odlu silahları qanunsuz saxlayan şəxslərə müvafiq xəbərdarlıq etməyi də unutmayıb.

Banu