Onlar SSRİ üçün casusluq etməkdə günahlandırılıraq öldürülən amerikalı cütlükdür.
Bu cütlük ABŞ-ın nüvə silahı ilə bağlı sirlərini SSRİ-yə ötürmüşdülər.

Ən azından rəsmi ittihamda belə deyilirdi.
Həmin şəxslər Nyu Yorkda doğulmuş yəhudi mənşəli ailələrinin övladları idi.

Onews.az xəbər verir ki, söhbət Etel və Yulius Rozenberqlərdən gedir.

Yulius Rozenberq elektrik mühəndisi, Etel Qrinqlas isə katib idi.
Yulius və Etel 1936-cı ildə Gənc Kommunist Birliyində tanış olurlar.
3 il sonra isə 18 iyun 1939-cu ildə evlənirlər.

Onların iki oğlu da sonradan Rusiya kəşfiyyatı üçün çalışacaqdılar.
Cütlük evləndikdən və uşaqları olduqdan sonra da partiyada aktiv rollarını davam etdirir.
Yulius Rozenberq Kommunist Partiyasının üzvü olduğuna görə işdən qovulur.

Həyat yoldaşının qardaşı David Qrinqlas ilə təmir sexi açan Yulius bu işdə də çətinlik çəkirdi.
1945-ci ildə senator Mc Çartinin adamları ilk olaraq David Qrinqlasın adını bir etirafçıdan aldılar.
David Qrinqlas yaradılacaq bir dosyenin ip ucu idi.
O, hərbi xidmətini atom bombalarının istehsal olunduğu Los Alamosda keçmişdi.
Təxris olunarkən uranium və bəzi alətləri oğurladığına görə tutulmuşdu.
Həm də atom bombalarının istehsal olunduğu obyektlərdə işləmişdi.

Buna görə də David Qrinqlasın Yuliusa məlumatlar verə və onları SSRİ-yə satma ehtimalı var idi.
Rozenberq ailəsi Nyu Meksikodakı araşdırma mərkəzindən məxfi əməkdaşlığa başlayır.
Az sonra onlar rus agentlərinə nüvə silahının sirlərini ötürməkdə ittiham edilirlər.
Yulius 17 iyul 1950-ci ildə, həyat yoldaşı Etel isə 11 avqustda həbs olunur.
Cütlük onlara qarşı irəli sürülən ittihamları rədd edir.

Ancaq onlara qarşı şahidlik edənlər də var idi.
5 aprel 1951-ci ildə hər ikisi edam cəzasına məhkum olunur.
Hökumət casus olduqlarını etiraf etmək müqabilində edam hökmünün 30 ilədək endirilməsini təklif edir.
Lakin Rozenberqlər bundan imtina etdiklərini bildirirlər.
Hökümətin səyləri bununla məhdudlaşmır.
Onları bir-birlərinə qarşı ifadə verməyə məcbur edirlər.

Etel və Yuliusa ayrı - ayrılıqda həyat yoldaşının onun haqqında etiraflar etdiyini deyirlər.
Lakin Rozenberq cütlüyü buna inanmır.
Son təklif isə xanım Rozenberqin bütün günahı ərinin üzərinə qoymasına hesablanmışdı.
Bu baş versə, qadın sərbəst buraxılacaqdı.
Lakin bu təklif də rədd olunur.

Onlar toylarının ildönümündə - 19 iyun 1953-cü ildə Etel və Yulius Rozenberq elektrik kreslosunda edam edilir.
Bununla da ABŞ hökumətinin SSRİ-yə göz dağı vermək istədikləri vurğulanır.
Cütlüyün edamı bütün dünyaya təsir göstərir.
Onların casus olduğuna inanmayan bir çox insan var idi.

Turan