Düşünürəm ki, bütün sovet respublikalarında "Xalq şairi", "Xalq artisti" kimi fəxri adlar əksərən hakimiyyətin ideologiyasını, diqtə və tapşırıqlarını yerinə yetirənlərə verilib.

Bir sözlə, fəxri adların fəxri və əlahəzrət istedadla heç bir əlaqəsi olmayıb.

Bu, indi də belədir və tendensiya dəyişməyib. Yenə də bir çox hallarda istedadsızlar bu ada layiq görülür.

Təbii ki, Vaqif və Yusif Səmədoğlular, Mövlud Süleymanlı, İsa Muğanna və digərlərinin timsalında istedadı ilə bu titullara yiyələnənlər istisnadır.

Bu kimi fəxri adlar istedadın qarşılığında təqdim edilməyib.

Məsələn, Vaqif Bayatlı Odər Vahid Əzizdən kifayət qədər istedadlı imzadır.

Amma Vaqif bəy "Əməkdar incəsənət xadimi", V.Əziz isə "Xalq şairi" fəxri adına layiq görülüb. Halbuki, ən yaxşı halda tərsinə olmalı idi.
Çünki Vahid Əziz yaradıcılığının sənətə heç bir aidiyyatı yoxdur.

Bir sözlə, "Xalq şairi", "Xalq artisti", "Xalq rəssamı" və bu kimi fəxri adlar mədəni yox, siyasi kateqoriyaya daha çox aiddir...

Axır vaxtlar düşünürəm ki, məram və mahiyyət dəyişmədiyi müddətdə təqdiri-ilahi mənə "Xalq şairi" adına layiq bilməsin.

Tural Turan
Onews.az