Onews.az şair Fuad Cəfərlinin yeni şeirini təqdim edir:

***
(Həsən Kürlərə elegiya...)

... şair, boynu vurulmuş qılınclar
azadlıq nəğməsi oxuya bilməz.

Məmləkətlərə eyni hərfdən boylanmasına baxmayın,
demokratla diktatorun aqibəti
hər zaman fəqli olub
yerlə göy kimi...

Ustad,
şairlərin aclığa mismarlandığı bu yerlərdə
bilsəydin nə qədər göy daşlar qaralıb,
nə qədər göy daşlar...

... birini yer daşlar,
birini yol daşlar,
birini vətən daşlar,
digərini bir yay günü
qəfil qar daşlar.
Daşlar ki,
bəlkə bütünə nəfəs verə bilsin...

Bu dünyada hər zatın özünü görə bilməsək də
surətini gördük, şair.
Kaş ki, heç olmasa süni də olsa,
bircə dəfə demokratiya görə bilsə idik.
Süni intellekt və ya süni nəfəs misalı....

... Məmləkətlərə eyni hərfdən boylanmasına baxmayın,
demokratla diktatorun aqibəti
hər zaman fəqli olub!..

Fuad Cəfərli