"Rusiya Gürcüstanla diplomatik münasibətləri bərpa etməyə hazırdır və Tbilisinin bu istiqamətdə istənilən təşəbbüsünü dəstəkləyir".

Onews.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

O qeyd edib ki, münasibətlərin normallaşdırılması iki xalqın maraqlarına cavab verir:

“Biz inanmaqda davam edirik ki, bu [münasibətlərin normallaşdırılması] hər iki xalqımızın maraqlarına cavab verir... Biz Rusiya-Gürcüstan münasibətlərinin normallaşması maraqlarına xidmət edən istənilən təşəbbüsü dəstəkləyirik, bu kontekstdə qeyd olunan təşəbbüsü alqışlayırıq, biz bu istiqamətdə hərəkət etməyə hazırıq”, - deyə Zaxarova bildirib.

Rusiya mətbuatının məlumatına görə, bundan əvvəl “Sülh naminə Gürcüstan həmrəyliyi” partiyasının sədri Mixeil Zqenti Gürcüstanla Rusiya arasında diplomatik münasibətlərin bərpasına ümid etdiyini bildirib.

Elgiz