Prezident Emmanuel Makronun sədrlik etdiyi Fransa Müdafiə Şurası etirazlar fonunda Yeni Kaledoniyaya əlavə hərbçi göndərmək qərarına gəlib.

Onews.az xəbər verir ki, bu barədə BFMTV kanalı məlumat yayıb.

Kanalın mənbəsinin sözlərinə görə, ictimai binaların təhlükəsizliyinin təmin edilməsinə hərbi qulluqçular cəlb olunacaq. Söhbət neçə hərbçidən getdiyi göstərilmir.

Qeyd edək ki, Yeni Kaledoniyada 10 ildən artıqdır ki, adada yaşayan Fransa sakinlərinə əyalət seçkilərində geniş səsvermə hüququnu nəzərdə tutan konstitusiyaya təklif edilən düzəlişlə başlayan etirazlar mayın 13-də başlayıb.