Bu məmləkətin ərazisi Pamir və Tyan Şan dağ sistemləri daxilində yerləşir.

Dağlar ölkənin bütün ərazisinin təxminən 93%-ni tutur.
Yaşayış üçün əlverişli yerlərin sahəsi olduqca azdır.

Ölkədə cəmi 18 şəhər var və dağlıq relief əlavə məskunlaşmaya imkan yaratmır.
Relyefə görə, dövlət mədənçiliyi də inkişaf etdirə bilmir.
Amma ölkə dağ turizmi üçün idealdır.

Onews.az əməkdaşının budəfəki söhbəti və yolu qarlı dağlar, sərin bulaqlar ölkəsi Tacikistandan keçir.

Sovet dövründə taciklərin ənənəvi mədəniyyəti çox vaxt aşağılanırdı.

Kommunistlər Tacikistanın ən mühüm xalq bayramlarını hədəf seçmişdilər.
Novruz, Ramazan və Qurban bayramları qadağan olunmuşdu.
Bolşeviklər rus dilini dövlət dili edirlər.

Bir çox toponimlərə sovet adları verilir.
Məsələn, Tacikistanın və bütün SSRİ-nin ən yüksək dağı (7495 m) Kommunizm zirvəsi idi.
İndi İsmayıl Somoni zirvəsi adlanır.

1991-ci ildə Tacikistan müstəqillik əldə edir.
Bundan sonra ölkədə milli-mədəni adət-ənənələrin və özünəməxsusluğun bərpası kursu başlanır.
Tacikistan əhalisi daim artan azsaylı postsovet ölkələrindən biridir.

Bu, tacik ailələri üçün ənənəvi çoxlu uşaq sayı ilə bağlıdır.
Tacikistan böyük mədəni, milli və dil müxtəlifliyinə malik ölkədir.
XII əsrdə isə İslam mədəniyyəti Tacikistana gəlir.

Bütün bunlar dilə, memarlığa və sənətə təsir edir.
Tacik mədəniyyəti güclü fərdiliyi, dərin simvolizmi və zəngin tarixi irsi ilə seçilir.

Tacikistanda ənənəvi geyimləri əsasən kənd yerlərində qadınlar əyinlərinə keçirirlər.
Şəhərlilər və kişilər çox vaxt Avropa üslubunda geyinir, bayramlarda milli geyimlər geyinirlər.

Tacik geyimləri əsasən pambıq və ipəkdən hazırlanır və bədənin konturlarını gizlədən düz kəsiklidir.
Tacik geyimləri rəng müxtəlifliyi və həndəsi formaları ilə heyran edir.

Qadınlar yorğanlı xalat və enli qollu don geyinir, kişilər isə kaftan və papaq geyinirlər.
Geyim insanın ailə vəziyyətini və maddi vəziyyətini müəyyən edə bilər.
Tacikistan heyrətamiz təbiətinə görə ziyarətə dəyər.

Burada nəfəs kəsən dağ yolları, təmiz çaylar və göllər, geniş yaylalar və milli parklar var.
Tacikistanın ən məşhur turistik yerləri Karakul gölü, Pamir zirvələridir.
Düşənbənin Milli Muzeyi, Xocənd və Hisar qalaları göz oxşayan yerlərdəndir.

Tacikistan Milli ParkıdTacikistanın dağlarının təcrübəli alpinistlər üçün daha uyğun olduğunu xatırlamaq lazımdır.
Burada tez-tez zəlzələlər və qar uçqunları baş verir və zirvələrə qalxmaq çətin ola bilər.

Tural Turan