"Cənub qonşumuz olan İranda sabitliyin olmasında, bizimlə mehriban qonşular kimi keçirməsində biz maraqlıyıq. İranda kimin hakimiyyət başına gəlməsi, kimin hakimiyyət başından getməsi o ölkənin daxili işidir".

Bunu Onews.az-a açıqlamasında Milli Məclisin deputatı, professor Musa Qasımlı deyib.

Millət vəkili Musa Qasımlı bildirib ki, biz heç bir zaman İranın daxili işlərinə qarışmırıq:

"Amma istəyirik ki, İran-Azərbaycan münasibətləri mehriban qonşuluq və qarşılıqlı fayda əsasında qurulsun. Heç bir zaman Azərbaycan İrana qarşı üçüncü dövlətin əlində alət olmayıb. Azərbaycan həmişə İranla münasibətlərində mehriban qonşuluq prinsiplərini gözləyib. Bu qonşuluğun pozulmasından ötrü belə bəhanələr verməyib. Biz İranı dost ölkə kimi görmək istəyirik. İnanırıq ki, hakimiyyətə yeni gələnlər də Azərbaycanla dostluq və mehriban qonşuluq xəttini yerinə yetirəcəklər, onu davam etdirəcəklər".

Turan