"Ermənistan hakimiyyəti Naxçıvan istiqamətindəki Kərki kəndinin və Qazax istiqamətindəki eksklavımız olan digər üç yaşayış məntəqəsinin də işğalına son qoymalı, həmin əraziləri də ən qısa zamanda Azərbaycanın nəzarətinə qaytarmalıdır".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, İrəvan otuz il ərzində işğal altında saxladığı həmin ərazilərdən də qeyd-şərtsiz şəkildə geri çəkilməlidir:

"Həmin kəndlər bizim suveren ərazilərimizdir və heç bir halda danışıqlar masasının mövzusu ola bilməz. Sofulu, Barxudarlı, Yuxarı Əskipara və Kərki Azərbaycanın beynəlxalq hüquqla tanınan ərazilərdir. Ermənistan bu kəndləri də xoşluqla Azərbaycana geri verməlidir. Əks halda, onlar üçün arzuolunmaz vəziyyət yarana bilər. Başkənd isə bizim tarixi ərazilərimizdir və 80-90 il bundan öncə Azərbaycan xalqının razılığı olmadan, qeyri-qanuni şəkildə Ermənistana SSRİ rəhbərliyi tərəfindən"hədiyyə" olunub. Bədnam qonşularımız bu kəndləri Azərbaycana qaytarmaqla yanaşı, 30 illik işğal dövründə ölkəmizə vurduqları, milyadlarla dollarlıq maddi və mənəvi ziyanın qarşılığı olaraq əlavə əraziləri də Azərbaycana verməlidirlər. Çünki İrəvanın 300 milyard dollarlıq ziyanı ödəyəcək iqtisadi gücü yoxdur, üstəlik bütün platformalarda qalib tərəfin diqtəsi keçərlidir".

Fuad Süleyman