Hazırda Ukraynada prezidentin dəyişdirilməsi hakimiyyət çevrələrində müzakirə edilən ümdə məsələ deyil. Amma elita arasında vaxtaşırı müzakirəyə çıxarılan nüanslardandır.

Digər tərəfdən, Rusiya xarici kəşfiyyat xidməti qəsdən, bilərəkdən bu məsələni gündəmə gətirə bilər. Söhbət ukraynalılar arasında nəbz yoxlanışından gedir.

Ruslar bununla məsələyə Ukrayna xalqının aydın mdövqeyini öyrənmək istəyə bilərlər. Amma Volodimir Zelenskinin özünün də gərgin durumdan yorulduğu, psixoloji travmalarla ölkəni idarə etmək istəməməsi göstərilir.

Hətta Ukrayna prezidentinin ailəsi də onun bundan sonrakı müddətdə prezident olmasına qarşıdır.

Qərb mətbuatında yazılan xəbərlərdə belə deyilir. Hətta bu ilin payızına qədər Zelenskinin hakimiyyətdən gedəcəyi və Avropaya sığınacağı vurğulanır.

Peşəkar siyasətçi üçün bu siyasi arxivə yuvarlanmaq və birdəfəlik tarixə qovuşmaq deməkdir. Amma Zelenski peşəkar siyasi fiqur deyil, hakimiyyətə teatr salonundan gəlib.

Qərb də Zelenskinin dikbaşlığından yorulub və daha loyal, Rusiya ilə danışıqlar masasına otura biləcək siyasətçinin Ukraynada hakimiyyətə gəlməsinin tərəfdarıdır.

Bu baxımdan Qərbin ən ağlabatan namizədi keçmiş peşəkar boksçu Vitali Kliçkodur. Çünki o da sələfi kimi peşəkar siyasətçi deyil və oyun qurmaq imkanlarından, manevr etmək istedadından çox uzaqdır.

Bir sözlə, Ukrayna cəbhəsində qara fiqurlarla oynayan Rusiya bütün istiqamətlərdə üstünlüyü öz xeyrinə dəyişməyi bacarıb.

Sona Əliyeva
V çağırış Milli Məclisin deputatı

Onews.az