Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Təhsilli Gələcək Təhsilin İnkişafı İctimai Birliyinin təşkilatçılığı ilə təhsil sektorunda yeni layihəyə start verilir.

Onews.az-ın xəbərinə görə, layihə “OSP –təhsildə yeni dostunuz!” şüarı ilə ictimaiyyətə təqdim olunacaq.

Söhbət Onlayn İmtahan Platformasından və bu məqsədlə yaradılan https://testonline.az/ internet media resursundan gedir.

İcrasına başlanacaq yeni layihənin məqsədi Azərbaycan təhsil sisteminin müxtəlif pillələri üzrə, tədris proqramları əsasında təhsil prosesinin iştirakçıları üçün ödənişsiz onlayn sınaq platformasının yaradılmasıdır.

Layihə çərçivəsində təhsil prosesi iştirakçılarının ənənəvi imtahanalarla müqayisədə çevik və sürətli ölçmə, dəyərləndirmə prosesi yaratmaqla, öyrənmə prosesində əldə etdikləri nəaliyyətlərin inkişaf dinamikasının izlənməsi və monitorinqinin təmin edilməsi nəzərdə tutulur.

Eduroom.az və mir.az saytlarında təqdim olunan elektron kitabxana və təhsil resurslarının onlayn sınaq platformasına inteqrasiyası həyata keçiriləcək.

Layihədə könüllü müəllimlər onlayn sınaq platformasının məzmunu, sual banklarının və sınaqların hazırlanmasında iştirak edəcək.

Proqramın icrasında ADPU ilə tərəfdaşlıq, onun ali təhsil ocağında tanıtımı da nəzərdə tutulur.

İcra zamanı ekspertlərlə məsləhətləşmələr, uyğun ölçmə-dəyərləndirmə prosesinin qurulması, onlayn sınaq platformasının demo variantının performans və uyğunluğunun sınaqdan keçirilməsi reallaşdırılacaq.

Layihənin əsas elementlərindən biri də imtahanlara hazırlıq prosesində lazım olan elektron metodiki və test vəsaitlərinə, digər tədris materiallarına əlçatanlıqdır.

Müxtəlif tədris materiallarına asanlıqla çıxışın təmin edilməsi, digər elektron resusrsların platformaya inteqrasiyası OSP-nin önəmini artıran nüanslardandır.

Layihənin icra müddəti 4 ay müddətinə nəzərdə tutulur.

Onlayn sınaq platformasının yaradılması (MİQ, DİQ, Sertifikasiya, Abutiriyent, KSQ, BSQ və s imtahan növləri üzrə onlayn sınaqlar) ilə çevik ölçmə, qiymətləndirmə və dəyərləndirmə prosesinin izlənməsi və monitorinqi asanlaşacaq.

OSP internet üzərindən sərhədsiz əlçatanlığa malik onlayn sınaq platforması coğrafi məhdudiyyətlərə məruz qalmadan, əsasən, Azərbaycan dilli seqment üçün nəzərdə tutulur.

ölçüləbilən və tələbə yönümlü etmək məqsədi daşıyır.

Rauf