"Ermənistan rəsmilərindən kimlərinsə Bakıda keçirilən COP-29 tədbirlərinə qatılmaması təbiidir, çünki işğalçı ölkə son 30 ildə dünyada iqlim düşməni kimi ad çıxarıb. Ona görə də Nikol Paşinyan hökuməti Bakıya gəlməkdən boyun qaçırıb".

Bunu Onews.az-a açıqlamasında siyasi şərhçi Tural Turan deyib.

Ekspert bildirib ki, istismar müddəti hələ uzun illər öncə başa çatan Metsamor atom elektrik stansiyası təkcə Ermənistan üçün yox, eləcə də region dövlətləri üçün hələ də ən böyük təhdidlərdən biridir:

"Azərbaycan bu AES-in bağlanması üçün dəfələrlə beynəlxalq müstəvidə məsələ qaldırıb. Amma hər dəfə işğalçı ölkəni ekoloji terror məsələsində müdafiə edən himayədarlar tapılıb. Əslində ermənilər Bakıya gəlməməklə özlərini tutarlı faktlardan gizləməyə çalışırlar. Ona görə ki, Bakıda hər kəs İrəvanın iqlim qatili damğasını ermənilərin alnına bir daha yapışdıracaqdı. Digər tərəfdən, Ermənistan 30 illik işğal dövründə Azərbaycan torpaqlarında ekoloji terror aktları törədiblər. İlk nümunə kimi Oxçuçay nümunəsini göstərmək olar. Zəngilanın qədim xan çinar meşələri məhv edilib. Araz çayının Ermənistandan keçən hissəsinə hələ də kimyəvi tullantılar atılır. Bu da Xəzər dənizinin fauna və florasına uzun illərdir ki, böyük təhdid yaradır. Üstəlik, Ermənistanın bu cür ekoloji teraktları uzun illərdir ki, cəzasız qalır. Əslində, Ermənistan Bakıdakı tədbirə qatılmamaqla onu beynəlxalq aləmdə cəzalandırmağa imkan verməyən himayədarlarını da "qorumuş" oldu".

Rauf Süleymanov