Birləşmiş Ştatların indiki mərhələdə NATO-dan çıxması elə də inandırıcı görünmür.

ABŞ olmadan NATO "qanadsız quş"a çevriləcək. Çünki uzun illər ərzində alyansın bütün ağırlığı Amerikanın üzərində olub.

Digər tərəfdən, ABŞ ittifaqdan kənarlaşdırılarsa, avtomatik olaraq alyansda əsas güc Türkiyəyə keçəcək. Çünki 600 minlik hazırlıqlı ordusu ilə Türkiyə NATO-nun ikinci hərbi güc mərkəzidir.

Bunu nə ABŞ, nə də qoca qitə həzm edə bilər. Eyni zamanda, Qərb ölkələri ABŞ-ın razılığı və iştirakı olmadan hər hansı münaqişənin taleyini həll etmək iqtidarında deyil.

Ukrayna savaşında Britaniya və ABŞ olmadan Fransanın öndərliyindəki Qərb Rusiyanın qarşısında duruş gətirə bilmir. Hətta Ukraynaya kömək məsələsində Avropa İttifaqı daxilində fikir ayrılıqları pik həddə çatıb.

Bu baxımdan, Trampın ABŞ-ı Trampdan çıxaracağı ilə bağlı səsləndirilən fikirlər həqiqətlə uzlaşmır. Çox güman ki, Vaşinqton bu cür informasiyalarla Qərbə barmaq silkələyir.

Sona Əliyeva
V çağırış Milli Məclisin deputatı
Politoloq