“Suriyadakı hadisələrlə Gürcüstanda baş verənlər birbaşa bağlıdır. Qərb Gürcüstan vasitəsi ilə Rusiyaya qarşı ikinci cəbhənin açılmayacağını anlayan kimi istiqaməti Yaxın Şərqə - Suriyaya dəyişdi. Məqsəd Rusiyanı Yaxın Şərqdən sıxışdırıb çıxarmaqdır”.

Bunu Onews.az-a açıqlamasında siyasi şərhçi Tural Turan deyib.

Ekspertin fikrincə, Suriyadakı qruplaşmalar ABŞ və Qərb koalisiyasının diqtəsi və yardımı ilə hərəkətə keçiblər:
“Suriyada çox maraqlı hadisələr yaşanır. Prezident Bəşər Əsədin devrilməsi üçün yaşıl işıq yandırılıb. Rusiya və Türkiyə maraqlarını Suriyada toqquşdurmaq istəyən qüvvələr də var. Hələlik, Ankara bütün mümkün vasitələrlə Kremllə toqquşmalardan yayınır. Ankara tərəfindən Azad Suriya Ordusuna kənardan dəstək verilsə də Ankaranın birbaşa yardımı hiss etdirilmir. Amma müxaliflərin komandanlığında türkmənlər ciddi rol oynamaqdadırlar. Hətta müxaliflərin tərkibində kürd komandirlər də aktiv rol alırlar. Məqsəd yaranmış vəziyyətdən istifadə edərək Rusiyanı Yaxın Şərqdən sıxışdırıb çıxarmaqdır. Gürcüstan kartının işləmədiyini görən kimi Qərb “Yaxın Şərq kartı”nı işə saldı”.

Banu Murad