O, Bəşər Əsədin 24 illik hakimiyyətini cəmi 24 saata sonlandırdı.

Suriyanı dünyəvi dövlətdən teakrotiyaya keçirdi.
Əsədi devirdikdən sonra ilk müsahibəsində İsraili dost, İranı düşmən elan etdi.
Hizbullah qruplaşmasını da Suriyanın əsas düşmənlərindən saydı.
Hətta Əsəd rejiminin əsas qoruyucusu sayılan Rusiya ilə dostluq münasibətləri qurmaqda maraqlı olduğunu dilə gətirdi.

Onews.az xəbər verir ki, söhbət Suriyanın yeni inqilabçı lideri, dünya mediasının terrorçu kimi qələmə verdiyi Əbu Muhəmməd Əl-Culanidən gedir.

Əsl adı Əhməd Hüseyn əl-Şaraadır.
Suriya müxalifətinin tanınmış liderlərindən biridir.
Onun həyatı və fəaliyyəti çoxlu suallar doğurur və beynəlxalq media tərəfindən geniş şəkildə araşdırılıb.
Əl-Culani 1982-ci ildə Səudiyyə Ərəbistanının Ər-Riyad şəhərində dünyaya gəlir.
Əslən suriyalıdır və imkanlı ailənin övladıdır.

7 yaşına qədər burada yaşayan Əl-Culani sonra İraqa köçür.
Əbu Məhəmməd sonrakı həyatını burada davam etdirir.
2003-cü ildə İraqda "Əl-Qaidə"yə qoşularaq silahlı fəaliyyətə başlayır.
3 il sonra ABŞ silahlı qüvvələri tərəfindən həbs edilir.
Əl-Culani 2011-ci ilə qədər ABŞ-ın zindanında qalır.
Bu dövrdə onun həyatı və fəaliyyəti ilə bağlı məlumatların kifayət qədər qaranlıq məqamları mövcuddur.
Bir çoxları bu dövrdə ABŞ kəşfiyyatının onu “veribovka” etdiyi bildirilir.
2012-ci ildə azadlığa çıxdıqdan sonra "Əl-Qaidə"nin Suriya bölməsi olan "Cəbhət ən-Nüsra"nı qurur.
Bu qruplaşma qısa müddətdə Suriyanın Bəşər Əsədin nəzarət etmədiyi ərazilərində at oynatmağa başlayır.
Xüsusilə İdlibdə ərazilər ələ keçirərək sürətlə genişlənir.
İdlibdə özünün gücünü artırmağa çalışır.
Əl-Culani həmin dövrlərdə bəyan edirdi ki, Suriyada "xristianlara və ələvilərə (şiələrə) yer olmayacaq"...
2016-cı ildə Əl-Culani "Əl-Qaidə" ilə əlaqələrini qıraraq onun ideologiyasından imtina edir.
Özünə yeni tərəfdarlarla birlikdə "Cəbhət Fəth əş-Şam" təşkilatını qurur.
İranpərəst qüvvələrə qarşı mübarizənin əsası da məhz bu zaman qoyulur.
2017-ci ildə Əl-Culani, İdlibdə "Həyat Təhrir əş-Şam" adlanan qruplaşmanı yaradır.


Bu qruplaşmanın əsas məqsədi İranpərəst qüvvələri Suriyadan çıxarmaq və Bəşər Əsədi devirmək idi.
2021-ci ildə Əl-Culani, qrupun imicini yaxşılaşdırmaq məqsədilə bəyanat verir.
Culani bildirir ki, onların əsas məqsədi "İslam Dövləti" yaratmaq deyil, sadəcə Suriyanı azad etməkdir.

Əl-Culani özünü radikal islamçı kimi qəbul etmir.
Onun idarə etdiyi ərazilərdə qeyri-adi qərarlar və fərqli yanaşmalar mövcuddur.
Qadınların hicab örtməməsinə, kişilərin isə siqaret çəkməsinə icazə verilir.

Bu addımlar Əl-Culaninin rəhbərlik etdiyi bölgələrdə fərqli bir idarəetmə modelini göstərir.
Əbu Muhəmməd Əl-Culaninin liderlik fəaliyyəti və yaratdığı təşkilatlar Suriyanın siyasi və hərbi münaqişələrinin bir hissəsi kimi geniş müzakirələrə səbəb olur.

Suriyada baş verənlərdə onun strategiyaları, fikirləri və qərarları münaqişənin yönünü müəyyən edən əsas amillərdən biri kimi diqqət çəkir.

Banu