Onun əlinə hakimiyyət atasından keçmişdi.

İxtisasca göz həkimidir və president olmaq istəmirdi.
Uşaqlıqdan elmə və ixtisasına meyillənmişdi.

Bir qədər də şorgözlüyü vardı və sarışın qadınlara vaxt ayırmağı daha üstün tuturdu.

Ona möhkəm nəzarət olunan və repressiv siyasi struktur miras qalmışdı.
Atası uzun illərin diktatoru idi və hakmiyyəti ailəsinin üzvləri idarə edirdi.

Onews.az xəbər verir ki, söhbət 24 illik hakimiyyətini cəmi 24 saata üsyançılara təhvil verən Bəşər Əsəddən gedir.

Bəşər əl-Əsəd hakimiyyətə gələndə 34 yaşı vardı.
Bəşər Əsəd 1965-ci il sentyabr ayının 11-də Suriyanın paytaxtı Dəməşq şəhərində ələvi ailəsində anadan olur.
Ölkənin nüfuzlu Kəlbiyyə qəbiləsindəndir.
Atası 29 il ərzində Suriyanı idarə edən sabiq prezident və "Baas" partiyasının keçmiş sədri Hafiz Əsəddir.
Dəməşqdəki fransız-ərəb təmayüllü "əl-Hürriyyə" liseyində orta təhsilini bitirir.
Əsəd daha sonra Dəməşq Universitetinin Oftalmologiya fakültəsinə daxil olur.
1992-ci ildə o, oftalmologiya üzrə təcrübə keçmək və təhsilini davam etdirmək üçün İngiltərənin paytaxı Londona gedir.

Burada Qərb Göz Hospitalında təcrübə keçir.
1994-cü ildə atası Hafiz Əsəddən sonra prezidentlik postuna varis hesab edilən böyük qardaşı Basil Əsədin avtomobil qəzasında həyatını itirir.
Bundan sonra, Əsəd Suriyaya çağırılır.
Suriyaya qayıdan Əsəd elə həmin il Homs Hərbi Akademiyasına qəbul edilir.
1999-cu ildə isə o, artıq polkovnik rütbəsi almış hərbçi idi.
Üstəlik, orduda diplomatik vəzifə tuturdu.
2000-ci ildə isə hakim Baas partiyasının sədri vəzifəsinə seçilir.
Həmin il Hafiz Əsədin vəfat etməsindən sonra, prezident səlahiyyətlərini müvəqqəti olaraq Əbdülhəlim Xəddam icra edir.

Hafiz Əsədin ölümündən sonra parlament təcili toplanır.
Parlament prezident seçiləcək şəxsə qoyulan 40 yaş məhdudiyyətini 34 yaşa dəyişir.
Sonra Bəşər Əsəd rəqibsiz keçirilən seçkilərdə 97% səslə ölkənin yeni prezidenti seçilir.
Xalqın sevimlisinə çevrilmək üçün siyasi məhbusları azadlığa buraxır.
Demokratik dəyişikliklərə gedəcəyinə söz verir.

Daha sonra qardaşı Mahir Əsədin diqtəsi ilə bu fikrindən daşınır və cəza maşınını işə salır.
Yeraltı həbsxanalar tikdirir.
Rəqiblərinə xüsusi amasızlıq nümayiş etdirir.
Onları və ailələrini sürgünə göndərir.
Yumşaq media siyasətindən tamamilə uzaqlaşır.

Onu tənqid edən jurnalistlərin həbsinə və işgəncələrinə şəxsən göstəriş verir.
Hətta onun siyasətinə qarşı çıxan tələbə yoldaşını Avropaya sürgünə göndərir.
2006-cı il iyun ayının 11-də isə o Suriya Silahlı Qüvvələrinin ali baş komandanı vəzifəsini də icra etməyə başlayır.
Bundan sonra Əsədin ölkədə avtoriteti daha da artır.

Əsəd vətəndaş müharibəsinədək Daxili siyasətdə müəyyən "yumşaqlığı" ilə atasından fərqlənir.
2000-ci ildə İngiltərənin paytaxtı Londonda tanış olduğu Əsma Əsəd ilə evlənir.
Cütlüyün 3 övladı var.
2007-ci il may ayının 27-də Bəşşar Əsəd növbəti 7 il müddətində Suriyanın prezidenti seçilir.
Başqa namizədlərin iştirak etmədiyi seçkilərdə o, səslərin 97,6%-ni toplayır.
2008-ci ildə Bəşşar Əsəd Türkiyənin vasitəçiliyi ilə Qolan təpələrinə dair İsraillə müzakirələrin aparılmasına razılıq verir.
3 il sonra özünü anti-İsrail və anti-Qərb siyasətçi kimi xarakterizə edir.
Əsəd bu siyasətinə görə Qərbin onu devirmək cəhdlərindən çəkinmədiyini söyləyir.

Elə həmin ildən Suriyada 13 ildən çox davam edən vətəndaş müharibəsi başlayır.
Ölkədə üsyançılara qarşı xüsusi amansızlıq tətbiq edilməsi ilə bağlı rəsmi sərəncam imzalayır.
O, bu işə “Suriya cəlladı” adı ilə tanınan Mahir Əsədə tapşırır.
2024-cü ilin dekabrında Əsəd hakimiyyəti cəmi bir neçə günə üsyançılara təslim olur.
“Ərəb baharı”nın “göz həkimi” ailəsini də götürərək Moskvaya sığınır.

Banu