"Fransanın Azərbaycan siyasəti Parisə baha başa gələ bilər. Hətta deyərdim ki, Bakı ilə kəllə-kəlləyə gəlmək "xoruzların" Güney Qafqazla bağlı bütün planlarına zərbə olacaq".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, Emmanuel Makron hakimiyyətinin başa çatması da Parisin Bakıya qarşı mövqeyini dəyişməyəcək:

"Bir çoxları düşünür ki, Azərbaycana qarşı sərt mövqe ermənilərin diqtəsi ilə edilir. Xeyr, belə deyil. Bu, Fransanın Cənubi Qafqazla bağlı "dərin dövlət" mövqeyidir. Parisdə anlayırlar ki, yeni dünya düzənində Türk Birliyi adlı yeni çətir yaranır. Çətirin əsas moderatoru Türkiyə, körpüsü və katalizatoru isə Azərbaycandır. Yəni, Azərbaycan olmadan Türk Birliyi mümkün deyil. Ona görə də Turan Birliyinə gedən sürətli yolu yavaşlatmaq üçün Fransa üstümüzə gəlir. Amma bütün bunların bizə heç bir təsiri olmayacaq. Çünki biz Fransanın sərsəmləmələrinə qarşı əlavə enerjimizi xərcləyirik. Bakı əsas enerjisini öz qütbünün sürətli inkişafına yönəldir".

Banu Murad

#politoloqturalturan
#turalturan
#fransa
#Azərbaycan