Avropa Şurası Parlament Assambleyasının Gürcüstan məsələləri üzrə monitorinqinin həmməruzəçiləri Klod Kern və Edit Estrella yanvarın 14,16-da faktaraşdırıcı missiya ilə Gürcüstana səfər edəcəklər.

Onews.az xəbər verir ki, bu barədə Avropa Şurası Parlament Assambleyasının mətbuat xidməti məlumat yayıb.

Məlumata əsasən, səfərin məqsədi Gürcüstanın Avropa Şurasına üzv dövlət kimi üzərinə götürdüyü öhdəlik və öhdəliklərə əməl etməsini, xüsusilə oktyabr seçkilərindən sonra davam edən siyasi böhran və Aİ-yə üzvlük danışıqlarının dayandırılması fonunda qiymətləndirməkdir.

Mətbuata verilən məlumata görə, səfər çərçivəsində həmməruzəçilər bütün əsas siyasi partiyaların rəhbərliyi, hökumət nümayəndələri və institutları, vətəndaş cəmiyyəti və beynəlxalq təşkilatlarla görüşəcəklər.

Mövcud məlumata görə, həmməruzəçilər “ittihamları və həbsləri narahatlıq doğuran” bir neçə saxlanılan etirazçıya da baş çəkəcəklər.

Elgiz Məmməd