"Bu ilin birinci yarısına qədər Azərbaycanla Ermənistan arasında sülh sazişinin imzalanacağı inandırıcı görünmür".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, rəsmi Bakının İrəvandan əsas tələbi konstitusiyadakı məlum dəyişikliklərdir:

"İlk olaraq Ermənistan Azərbaycana və Türkiyəyə olan ərazi iddialarından rəsmi şəkildə əl çəkməlidir. Bunun üçün hazırkı Ermənistan konstitusiyasındakə müvafiq maddələr ölkənin ana qanunundan çıxarılmalıdır. Üstəlik, Ermənistan ATƏT-in Minsk qrupunun buraxılmasına "hə" deməlidir. İkinci məsələ o qədər də vaxt aparmaya bilər. Amma referündum və konstitusiya dəyişiklikləri bir qədər uzunmüddətli prosesdir. Əgər Ermənistan rəhbərliyi elə indi referenduma hazırlıq görmürsə və konstitusiya islahatlarına başlamırsa, ilin birinci yarısına qədər sülh sazişi inandırıcı görünmür".

Banu Murad