"Rusiya bu ilin sonuna qədər Ukrayna cəbhəsində həlledici yekuna vara bilməsə, o zaman şimal qonşumuzun işi müşkülə çevriləcək".

Bunu Onews.az-a açıqlamasında keçmiş deputat, siyasi şərhçi Sona Əliyeva deyib.

Ekspertin fikrincə, prezident Putin rus elitasını qane edəcək qələbə qazana bilməsə, o zaman ölkədaxili qarşıdurmalar, hakimiyyətdənqaçma meyilləri daha da güclənəcək:

"Artıq Çeçenistanda və Tatarıstanda bunun işartıları aydın şəkildə hiss olunur. Azsaylı xalqların milli ziyalıları, aydınları öz dillərində çağırışlar edirlər ki, slavyanların sonu görünməyən savaşlarına qatılmasınlar. Onlar bunu hakimiyyətdəki Putinə asi qüvvələrin diqtəsi ilə gedirlər. Deməli, Rusiya elitasındakı ali bürokratlar da Putindən tutarlı yekun nəticə gözləyirlər. Əks halda Rusiya daxilində çaxnaşmalar, vətəndaş qarşıdurmaları baş qaldıracaq".

Banu Murad