"Türkiyə Suriya böhranını artıq həll edib. Ankara bundan sonra yönünü İsrail-Fələstin məsələsinə və Balkanlara yönəldəcək".

Bunu Onews.az-a açıqlamasında siyasi şərhçi Tural Turan deyib.

Siyasi şərhçi düşünür ki, Ankara Osmanlı dövlətinin varisi kimi həm yəhudilərin, həm də ərəblərin psixologiyasına yaxşı bələddir:

"Türkiyənin dərin dövlətçilik və Osmanlı kimi imperiya tarixi var. Ankara yəhudiləri və ərəbləri yaxşı tanıyır. Onların psixologiyasına yaxşı bələddir. Çünki qardaş ölkə təxminən 500 il bu torpaqlara, oradakı xalqlara hökm edib. Türkiyə bu amildən istifadə edərək İsrail-Fələstin məsələsində konsensus əldə etməyi bacaracaq. Bu münaqişəni həll edə biləcək yeganə güc məhz Türkiyədir. Ankara daha sonra yönünü Balkanlara - Kosovaya, Bosniyaya və Serbiyaya yönəldəcək. Bir sözlə, türkiyəli qardaşlarımız öz regionunda və təhlükəsizlik radiusunda bütün problemləri həll etməyi qarşısına əsas strateji hədəf kimi qoyub. Söhbət qardaş ölkənin təxminən 20 illik geostrateji hədəflərindən gedir".

Fuad Süleyman