"Birləşmiş Ştatlar Donald Tramp dönəmində "Ermənistan kartı"ndan daha geniş formada istifadə edəcək".

Bunu Onews.az-a açıqlqmasında V çağırış Milli Məclisin deputatı Sona Əliyeva deyib.

Keçmiş millət vəkilinin fikrincə, Vaşinqtonla İrəvan arasındakı müddəaların bir sıra müddəaları bunu deməyə əsas verir:

"Rus qoşunları onsuz da Ermənistandadır. Gümrüdəki 102-ci bazanın çıxarılması məsələsi gündəmdə deyil. Hətta Paşinyan hökuməti bunu gündəmə gətirərsə, Kremlin məsələyə təpkisi çox sərt olacaq. Hətta deyərdim ki, Nikol Paşinyanın devrilməsi və ya istefa verməsi, onun yerinə rusyönümlü hansısa füqurun gəlməsi fonunda ABŞ-la imzalanan xartiya adi kağız parçasına çevtiləcək. İrəvanla yanaşı, Vaşinqtonda da bunun fərqindədirlər. Ona görə də Birləşmiş Ştatlar yaranmış zaman və imkan fürsətindən maksimum yararlanmaq istəyir. Yəni "İrəvan kartı" ilə Kremlə qarşı hiddətləndirici və alçaldıcı gedişlər etmək niyyətindədir. Rusiya isə bunu 200 illik for-postuna bağışlamayacaq".

Fuad Süleyman