"ABŞ-la imzalanan xartiyadan sonra Nikol Paşinyan bir qədər də ürəklənəcək və öz hakimiyyətini daha da möhkəmləndirmək üçün siyasi həbslərin növbəti perioduna başlayacaq".

Bunu Onews.az-a açıqlamasında siyasi şərhçi Tural Turan deyib.

Tural Turanın yanaşmasına görə, Ermənistanın baş naziri Nikol Paşinyan İrəvandakı bütün siyasi səhnələrdən "rus izini" təmizləməyi planlaşdırır:

"Baş nazir bununla mövzud hakimiyyətini daha da möhkəmləndirəcəyini düşünür. Rusiyaya rəğbəti ilə seçilən siyasi fəalların, köklü füqurların birdəfəlik neytrallaşdırılması üçün başda ABŞ olmaqla aparıcı Qərb institutlarından da "susqunluq dəstəyi" alacaq. Düşünürəm ki, bu ilin ikinci yarısı, gələn ilin əvvəllərindən başlayaraq Ermənistanda növbəti siyasi həbslər seriyası başlaya bilər. Bütün bunlar Kremlin ABŞ-la imzalanan xartiyasını sərt şəkildə cəzalandırıb-cəzalandırmayacağından asılı olacaq".

Banu Murad